Peru Urdanpilleta eta Jon Pello Artetxe izango dira eskuzko modalitean lehian. Ez dira bakarrik egongo, Haritza Diaz de Gereñu eta Beñat Olazabal ordezko modura inskribatu baitituzte.
Ilunpe 3ren aurka hasiko dute lehia Azpeitian. Horiez gain, Tolosa 2, Alde Zaharra, Beloki eta LAPKE 3 izango dituzte aurkari euren multzoan.
Gomazko pilotako pala bikotea, aldiz, Jagoba Mendizabalek eta Julen Urruzolak osatuko dute. Azkoitian izango dute kehen jardunaldia eta bertan Azkoitia Oteizaren aurka lehiatuko dute. Azkoitiarrez gain, Altzatarra 1, Eibar 2, Beloki, Zarautz 3 eta Beotibar 1 izango dira multzoan.
Pilota eskola
Hilaren 10ean, aldiz, Pilota Eskolako gaztetxoak hasi dira lanean kirol guneko pilotalekuan. Pilotariek asteartea eta ostegunetan dituzte saioak adinaren arabera; benjamin eta alebinek 17:30etik 19:00etara eta infantilek, aldiz, 16:30etik 20:00etara. Gogor egingo dute lan urrian hasiko duten denboraldiari begira.
Eskolan izena eman nahiez gero, pilotalekura entrenamendu orduetan gerturatu, jonpeartetxe@gmail.com helbidean edo 650 45 93 54 telefono zenbakian egin daiteke.