Lehiaketako lehen fasean Castilla y Leon Iberians A multzoan dago kokatua eta Portugalgo taldez gain, iazko txapeldun Georgiako Black Lions izango du aurkari. Ligaxka moduan jokatuko dute bi itzulira. Hilaren 15ean izango da georgiarren aurkako lehen partida; etorriko norgehiagoka, aldiz, hilaren 28an. Urriaren 5ean, multzoko lehiari amaiera emango diote Lusitanosen aurka.
Talde berria
Denboraldi hasierako atzera kontua ere martxan du Saletak; urriaren 6an Ohorezko Mailako lehia hasiko da. VRAC Quesos Entrepinares taldearekin debuta egiteko gogoz dago herritarra. 11 talderi egin beharko die aurre Ligako txapeldunak. Lehen norgehiagokan derbia izango du VRAC-ek El Salvadorren aurka eta urriaren 20an,aldiz, herritarraren talde-ohi Ordizia Rugby taldea izango du aurrez aurre.