Horietan parte hartzeko izen ematea hilaren 4an irekiko da, asteazkenarekin, eta 12ra arte luzatuko dela jakinarazi dute arduradunek. Horretarako bi aukera izango dituzte interesdunek. Inskripzioa aurrez aurre egin nahi dutenek, honako ordutegian joan beharko dute arestian aipatu zentrora: aste honetan, astegunetan, 09:30etik 13:00etara, eta, datorren astean, berriz, arratsaldez ere bai, 15:00etatik 19:00etara.
Bigarren aukera da sarean inskribatzea; horretarako udalaren webgunea erabili beharko dute herritarrek. Izen emateekin lotuta, antolatzaileek ohartarazi dute ez dituztela telefono bidezko izen emateak onartuko; harremanetarako bide hori ikastaroen inguruko edozein zalantza argitzeko soilik erabil daitekeela argitu dute.
Behin izen emate epea itxita, hilaren 23an hasi eta urtarrilaren 31n bukatuko dira ikastaro guztiak.
Toki baino eskaera gehiago jasotzen diren kasuetan, hilaren 13an, eguerdian, egingo duten zozketa baten bidez erabakiko dute nortzuk parte hartuko duten jarduera bakoitzean. Zozketan herrian erroldatutakoek lehentasuna izango dutela nabarmendu dute arduradunek.
Hau da irailetik urtarrilera arteko eskaintza
|
OHIKO IKASTAROAK |
JABETZE ESKOLA |
||
|
IKASTAROA |
PREZIOA |
IKASTAROA |
PREZIOA |
|
Gorputza entzuten eta sentitzen ikasiz |
Doan. |
Antzerkia |
Erroldatuak: 51,00 euro. Ez erroldatuak: 85, 00 euro |
|
Jantzi konponketak eta patroiak |
Doan. |
Biodantza |
Erroldatuak: 38,25 euro. Ez erroldatuak: 63,75 euro. |
|
Bitxiak |
Doan. |
Emakumea, autoestima eta norberaren maitasuna |
Doan. |
|
Eskulanak |
Erroldatuak: 51,00 euro. Ez erroldatuak: 85,00 euro. |
Mugitu, adierazi, jabetu! |
Doan. |
|
Kantua |
Doan. |
Mindfulness ahalduntzerako |
Doan. |
|
Tai-Xia |
Erroldatuak: 21, 98 euro. Ez erroldatuak: 36,64 euro. |
Gure bizitzei buruz elkarrekin ikasten |
Doan. |
|
Batuka |
Doan. |
Gen-eroa |
Doan. |
|
Hipopresiboak |
Erroldatuak: 44,55 euro. Ez erroldatuak: 74,25 euro. |
Emakumeon sormen akelarrea |
Doan. |
|
Zaindu zure gorputza |
Doan. |
Ondo zahartzea: eutsi zure ametsei |
Doan. |
|
Yoga |
Erroldatuak: 38,25 euro. Ez erroldatuak: 63,75 euro. |
Autodefentsa feminista |
Doan. |
Bi saio puntual ere bai
Arestian aipatutako ikastaroez gain, bi saio puntual ere aurrera eramango direla jakinarazi dute arduradunek.
Abenduaren 4an izango da lehen, Ikasketak eta formakuntzako ibilbideak
homologatzeko prozesua izenekoa. 16:30ean hasi eta 19:00ak arteko iraupena izango du, eta gaztelaniaz izango da.
Bigarrena, aldiz, abenduaren 11n izango da. Nire formakuntzako eta laneko
esperientzia hemen: izenburua eman diote saioari, eta hori ere, aurrekoaren ordutegi eta hizkuntza berean izango dela jakinarazi dute.