Arratsalderako jarduera gehiago antolatu dituzte:
- 18:30ean, parodian antzeztuko duten aktoreek desfilea egingo dute erdigunean barrena. Ibilbidea, hauxe: Jalgi Kafe Antzokia, Tajamar biribilgunea, Kale Nagusia (Ilargitik Arkuperaino) eta Okendo plaza, Gure Etxea taberna paretik sartuta.
- 20:00etan, Santa Anako parodia, Okendo plazan.
Bestalde, Santa Ana Pala Txapelketako final handia gaur jokatuko dute. Horren aurretik, 3. eta 4. postuak erabakitzeko neurketa izango da. 17:30ean hasiko dira norgehiagokak, Loidibarren pilotalekuan.
