Kale Nagusia zeharkatu ostean, Okendo plaza zuten helmuga, baina eguraldiaren mehatxua medioa, Oriarte Landaberriko patioan elkartu dira. Elkarri eskutik heldu, eta borobil handi bat osatu dute guztien artean. Elkarrekin dantza egiteko baliatu dute une hori; doinu ezagun ugarirekin astindu dituzte gorputzak; Pirritx, Porrotx eta Marimotosen Epo itai tai ye eta Euri tanta aireratu ditu bozgorailuak.
Itsasoko animaliaz bete dira herriko kaleak
Ttakun Kultur Elkarteko Udako Txokoetako gaztetxoek desfile koloretsu bezain alaia egin dute gaur. Itsasoko animaliaz mozorrotuta, Loidibarren pilotalekutik abiatu dira haur eta begiraleak, eta furgonetako musikari jarraiki, dantza erakustalditxo politak egin dituzte erdigunera iritsi bitartean. Ikusi ahal izan dira marmokak, dortokak, itsas zaldi eta izarrak.
