Eskaera orria udalaren webgunetik deskargatu behar dute herritarrek eta egoitza elektronikoaren bidez edozein unetan edo Udal Erregistroan aurkeztu, 09:00etatik 14:00etara. Dokumentu horretan honako datuak jaso behar dituzte eskatzaileek: taldearen izena, entseguak egiteko egun eta orduak eta taldekideen zenbait datu (izen-abizenak eta NAN zenbakia).
Erreserbak egiteko epea itxi eta gero eskaerak gainbegiratuko ditu Gazteria sailak eta bilera bat egingo du interesa adierazi duten musika taldeekin datorren asteko asteazkenean, 10:00etan, Gaztelekuan.