Ekainaren 28an, jauzi hirukoitzeko probari egin zion aurre lasarteoriatarrak. 12,57 metroko jauziarekin zortziko finaletako sailkatu zen herritarra eta bosgarren eta seigarren saiakeretan egindako 12,75 metroko markari esker, laugarren postuan amaitu zuen lehiaketa. Hirugarrenetik 13 zentimetrora geratu zen.
Egun bat geroago, luzera jauzi proban parte hartu zuen. Lehen postuetan egiteko aukera gutxiago zeuzkan lehia horretan. Hala ere, bere onena ematen saiatu zen herritarra. 5,69 metroko jauziarekin eta bi hutsekin ezin izan zuen finalerako txartela eskuratu, ordea; hamabigarren postuan amaitu zuen proba.
18 urtez azpikoa, asteburuan
Absolutu mailakotik 18 urtez azpikora, hilaren 6an eta 7an, Malagan lehiatuko dute atleta gazteek Espainiako txapelketa. Ostadar SKTk bi ordezkari izango ditu bertan: Iraia Alkorta, 100 m lasterketan eta Oinatz Almagro, jauzi hirukoitzean.