Solaskide egitasmoaren altzoan elkartzen dira Bidelariak eta Bidelagunak. Lehenengoek aipatu hizkuntza horretan murgiltzera animatu diren pertsonak dira, eta, bigarrenak, aurrenekoei bide hori egiten laguntzen dietenak. Funtsean, ekimenaren helburuak euskara praktikatzea eta bere erabilera sustatzea dira.
Solaskidekoen ikasturte amaierako festa girotuko du Lurhats taldeak
Kurtso honetan Solaskide egitasmoan parte hartu duten herritarrak Jalgi kafe antzokian elkartuko dira gaur, 19:00etan. Pintxo-potea egiten duten bitartean Julen Basterra eta Iban Nikolai musikariek osatu duten Lurhats taldearen emanaldiaz gozatuko dute.