Eguraldiari aurre eginez, Hondartzako boleiboleko Gipuzkoako txapelketako neurketez gozatu ahal izan zuten zaletuek hilaren 8an. Haizearekin eta euripean jokatu behar izan zituzten partidetako batzuk; horrela izan zen, behintzat, Ostadarreko Olaia Laboa eta Odalys Caceres bikoak Bera Beraren aurka lehiatutakoan.
Urdin-beltzek lasai egin zuten aurrera kanporaketetan eta finalean aurkari gogorra aurkitu zuten, Bera Bera. Finala borrokatua izan zen, baina Laboa eta Caceserek, iaz 19 urtez azpiko lehiaren antzera, Gipuzkoako txapela eskuratzea lortu zuten.
Mutilen finalean ere Ostadarrek ordezkariak izan zituen, Ruben Mendoza eta Asier Acuriola. Toloboleiko bikoaren aurka egin zuten urdin-beltzek eta ezin izan zuten garaikurra jaso.