Bere mailako hirugarren txandan parte hartu zuen Lugañenek Tolosaldea, Donostiarra eta Oriorekin batera.
Lehen luzean lahia handia egon zen arren, ziabogaren ostean, aldea ireki zuen Donostiako eskifaiak eta 11.16,08 eginez, banderan gailendu zen. Tolosaldea bigarren izan zen 9,30 segundora eta Donostiarra, hirugarren (11.27,12).
Intza Fernandez kide duen Hondarribiak, aldiz, bigarren txandan parte hartu zuen. Zumia, Hibaika eta Zarautzen aurka neurtu zituen indarrak eta saio horretako bigarren amaitu zuen, 11.37,46. Sailkapen orokorrean seigarren izan zen.
Asteburu honetan, Donostiako Kontxako badian izango du hitzordua Donostia Arraun Lagunek. Maila ezberdinetako Gipuzkoako zein Bizkaiko lehen lau sailkatuek Euskadiko txapelketa izango dute jokoan, 11:00etatik aurrera.