Guraso elkarteak familiei bidaliko dien esteka baten bidez egingo da izena ematea. Formularioko loturarekin batera, Eskola Kiroleko arautegia eta irizpideak jasotzen dituen dokumentua txertatuko da.
Ttakun Kultur Elkarteak kudeatuko ditu izena emateak eta prozesuko edozein zalantzarik izanez gero, 695 785 394 telefono zenbakira deitu edo eskolakirola@ttakun.eus helbidera mezua idatzi dezakete gurasoek. Ekainaren 16an itxiko da inskripzio epea.
Hurrengo ikasturtea
Saioak urriaren 7an hasiko direla iragarri dute antolatzaileek. LH1 eta LH2 mailako ikasleek Jolas Hezi programa garatuko dute. Jolasen bitartez, hurrengo zikloko kiroletarako trebetasuna eta abilezia lantzen joango dira.
LH4tik eta LH6ra, berriz, kirol ezberdinak landuko dituzte, hala nola, saskibaloia, igeriketa, kirol egokitua, pilota, errugbi, eskubaloia edo judo.