Kirol elkarteko kideak maila handiko lehiaketetan jardun ziren. Euren lanak ederki bete arren, Jubenil B mailako taldea izan da bakarra Euskadiko txapelketan podiumera igotzen; hirugarren izan ziren. Eta Laia Suberbiola gertu izan zen Euskadiko Kirol Jokoetan esku hutsik egindako lanean.
Lasarte-Oriako taldeko ordezkarien sailkapenak honakoak izan ziren:
|
Euskadiko txapelketa • Jubenil A Noa Del Amo / Saioa Boyero - zinta 21ª / pilota 16ª; orokorra 19ª. Erika Tejero - zinta 15ª; pilota 19ª; orokorra 18ª. • Jubenil B Aitana Molano - zinta 6ª; pilota 8ª; orokorra 9ª. LOKE - uztaiak eta pilotak 3ª |
Euskadiko Kirol Jokoak • Alebin A Laia Suberbiola - soka 8ª; esku hutsik 4ª; orokorra 7ª. Aiala Jimenez - soka 10ª; esku hutsik 9ª; orokorra 9ª. |
LOKEko arduradunak harro daude gimnastek egindako lanarekin. Jubenilen kasuan, gainera, berezia izan da brontzezko domina. "Aurten azken urtea izan dute gurekin. Gehienek txikitatik egin dute gimnastika erritmikoa gurekin eta orain kanpora doaz ikastera," azaldu dute prestatzaileek.
Dominak eta hitzorduak
Ez da hau azken asteetan jubenilek jantzi duten garaikur bakarra izan. Hilaren 19an, jubenil eta kadete B taldeak Gasteizen izan ziren lehian. Itzal Torneoan parte hartu zuten eta ederki jardunez, bi taldeak podiumera igo ziren. Jubenilek uztaiak eta pilota lanarekin garaipena erdietsi zuten; kadete taldeak, aldiz, pilota lanarekin hirugarren postua eskuratu zuen.
Ekainaren 1ean, aldiz, master, senior eta kadete mailako gimnasten txanda izango da; Durangon jokatuko dute Euskadiko txapelketa.