Lierni Rekondo ez da sailkatu Gipuzkoa Bertsotan-eko bigarren itzulira

Txintxarri Aldizkaria 2024ko mai. 21a, 14:31

Gipuzkoako Bertsolari Txapelketako sailkapen fasea jokatzen ari dira asteotan, Gipuzkoa Bertsotan. Lehen itzuliko azken saioa Oñatin egin dute eta bertan parte hartu du Lierni Rekondo lasarteoriatarrak. 273,5 puntu batuta, asteburu honetan hasiko den bigarren itzulitik at geratu da.

Aizpea Garmendia izan zen saio horretako gai jartzailea, eta, epaileak, berriz, hauek: Leire Beloki, Maite Sukia, Mikel Lersundi eta Unai Muniain. Hauxe izan zen bertsolarien sailkapena:

  8H 8T GANBARA 10T GUZTIRA
Andoni Rekondo Izagirre 78,5 74 109,5 84 346
Maddi Aiestaran Iparragirre 78,5 72 102,5 73,5 326,5
June Aiestaran Iparragirre 70,5 83 90,5 75 319
Aimar Sorazu Roteta 68,5 65,5 94 65,5 293,5
Maide Garmendia Jauregi 64 67,5 83 62 276,5
Lierni Rekondo Villaron 58,5 58 87,5 69,5 273,5

Bigarren itzuliko saioak asteburu honetan jokatuko dituzte: larunbatean bi, Antzuolan eta Pasaian, eta igandean beste biak, Alegian eta Usurbilen.