Taberna-kafetegi batean gertatuko dira La sed del minotauro antzezlaneko gorabeherak. Hotza egiten duela, hori da establezimendu horren kokapenari buruzko pista bakarra. Bezeroak sartu-irtenean ariko dira etengabe: aintzat hartzen ez dituen mundu batetik ihesi eta maitasunaren bila ibiliko diren antiheroiak dira.
Atsekabetuta eta desesperatuta daude pertsona horiek eta euren buruen aurka borrokatuko dute, zoriontsu izateko irabazi beharko duten barne borroka galtzeari dioten beldurrari aurre eginda.
Jon Gerediaga idazlearen testu bat abiapuntu hartuta ondu du lana Alex Gerediagak, berarekin elkarlanean. Khea Ziater antzerki talde esperimentalak (2010ean hasi zuen ibilbidea) oholtzaratu duen zortzigarren lana da La sed del minotauro.
Fitxa teknikoa
Zuzendaria: Alex Gerediaga.Argazkia: Son Aoujil.Eszenografia: Azegiñe Urigoitia.Ekoizlea: Khea Ziater.Herrialdea: Espainia (2024). Iraupena: 70 minutu.Generoa: Drama.Aktoreak: Txubi Fernandez de Jauregi, Arrate Etxeberria, Leire Ucha/Miren Gaztañaga, Jon Ander Urresti eta Ainhoa Artetxe.