LOKEko judokek hiru domina eskuratu dituzte asteburuan

Txintxarri Aldizkaria 2024ko mai. 9a, 10:00

Ezkerrean, Ekain Luis podiumean. Eskuinean, Valeria eta Ivan dominekin. Arg.: LOKE Judo.

Lasarte-Oria Kirol Elkarteko (LOKE) Judo saileko kideek alebin mailako Gipuzkoako txapelketa zein junior mailako Espainiako Kopako jardunaldi berriari egin zioten aurre hilaren 5ean

Tomellosora egin zuen bidaia LOKEko kide Ekain Luisek junior mailako Espainiako Kopa lehiatzera eta ez zen esku hutsik itzuli; zilarrezko domina jantzi zuen. 100 kilo baino gehiagoko mailan parte hartu zuen judoka gazteak eta Extremadurako Joao Pedro Herenciaren borrokatu zen finalean. LOKEko kideak ezin izan zuen aurkaria gainditu eta bigarren postua eskuratu zuen.

Alebin mailako judoka gazteak, aldiz, Urnietan bildu ziren Gipuzkoako txapelketa zein Kopa lehiatzeko. 

Bi lehiaketetan bikain egin zuten borroka judoka gazteek eta Valeria eta Ivan kideak podiumean izan ziren. Valeria Gipuzkoako txapeldun izan zen eta Ivanek brontzezko domina jantzi zuen.

Beterano kopa

LOKEko gaztetxoek ez dute lehiaketarik izango, baina hilaren 11n, beterano mailako Gasteizko Espainiako Kopa jokatuko da. LOKEko kide Asier Sagastik M1 kategoriako 100 kilo baino gutxiagoko lehian parte hartuko du.