Eskaintza zabala prestatu dute Udal Musika Eskolan jardun nahi dutenentzat: 4 eta 7 urteko umeentzako musika tailerrak, pianoa, gitarra klasikoa edota elektrikoa, tronpeta, trikitixa, akordeoia eta beste instrumentu ugari jotzen ikasteko aukera. Aurrematrikula egiteko azken eguna ostirala izango da.
Aurrematrikulatzeko epea irekita dagoela gogorarazi du Udal Musika Eskolak
Datorren urtean Udal Musika Eskolan aritu nahi dutenek Manuel Lekuona Kultur Etxeko bigarren solairura joan beharko dute 09:00etatik 14:00etara edota 17:30etik 19:00etara (gaur eta etzi). Egun eta ordu horietan egoitzara joaterik ez dutenek musikaeskola@lasarte-oria.eus helbide elektronikora idatz dezakete. "Gustura erantzungo ditugu lasarteoriatarren zalantza guztiak", adierazi dute eskolaren arduradunek.