Datorren asteko ostegunean (hilak 9) aurrera eramango du bigarren emankizuna, Kafe Botanikan (Gernikako Arbola pasealekua, 8), 18:00etan hasita, euskaraz. Sarrerak doakoak izango dira aipatu areto hori bete arte.
Lehenengoa, 1991n
Egitasmoaren helburua da gune eszeniko ohikoetara joaten ez diren ikus-entzuleak antzerkira hurbiltzea. Poltsiko Antzerki Jaialdia 1991. urtean egin zuten aurrenekoz. Aurtengoa 33. aldia izango da eta hilaren 19ra arte iraungo du. Herritarrek 25 espaziotan (tabernetan, batez ere) 32 emanaldiz gozatzeko aukera izango dute; erdiak euskaraz izango dira eta gaztelaniaz beste erdiak.