Ligako jardunaldian Aldapeta Maria txuri urdin taldea izan zuen aurkari talde urdin-beltzak eta 3-0 nagusi izan zen.
Denboraldi ederra egiten ari da infantil A taldea. Ligan ez du neurketarik galdu eta azken jardunaldia faltan, Gipuzkoako txapelketako finalerako txartela eskuratu du.
Hala ere, maiatzaren lehen asteburuan ederki borrokatu beharko dira gazteak. Ligako bi partida jokatuko dituzte; azken jardunaldikoa eta atzeratutako bat. Biak gainditzea espero dute Ostadarreko kideek.
Getxok, kanpo utzi
Bestalde, apirilaren 28an, Euskadiko txapelketa lehiatu zuen taldeak.
Final laurdenean Getxo Etorkiren aurka neurtu zituen indarrak talde urdin-beltzak. Ostadarreko kideek defentsan ongi eutsi zieten bizkaitarrei eta bigarren setean ongi estutu zieten. Tamalez 0-2 (25-9 eta 25-18) galdu eta lehiatik kanpo geratu zen Lasarte-Oriako taldea.
Hala ere, prestatzaileak pozarren daude gazteek egindako lanarekin.