Garciaren senide eta lagunak "lasaiago" daude orain, pazientea Euskal Herrian artatua izaten ari delako. Uneotan Gurutzetako Ospitaleko ZIU unitatean ingresatuta dago eta datozen egunetan bertan jarraituko duela aurreratu dute medikuek.
Familia eta ahaideek dirua biltzeko kanpaina bat aurrera eraman dute azken egunetan, Tailandian ingresatuta eman dituen egunetako eta azkenean erabili ezin izan zuten hegazkin medikalizatua ordaintzeko asmoz. 114.445 euro bildu dituzte. Garcia bueltan ekarri duen abioia Espainiako Defentsa Ministerioak prestatu du.