Texas Lasartearra CFk udako kanpusa antolatu du 2012 eta 2015 urte artean jaiotetako gaztetxoentzat. Ekainaren 13tik 25era, 17:00etatik 18:30etara izango dira saioak. Izena ematea kalean jarriko dituzten karteletako QRen zein futbol taldearen sare sozialetan argitaratu duten loturaren bidez egin daiteke. Informazio gehiago 647 936 196 zenbakian.
Horrez gain, talde zuri-urdineko kide direnek eta hurrengo denboraldian euren taldeetako jokalari izan nahi dutenek aurretiko inskripzioa egin dezakete kirol elkartearen sare sozialetan eskuragarri jarri duten formularioan.
Bestalde, ekainaren 1ean, larunbatarekin, klubaren eguna antolatuko duela jakitera eman du Texas Lasartearrak. Hurrengo asteetan sare sozialen bidez, ekimenaren gaineko berri gehiago eskainiko dituela ere iragarri du.