Manso dugu lehiaketako egungo txapeldun eta titulua mantentzeko honako zazpi probatan puntuak lortu beharko ditu: Aiatik Andatzara igoera, Opakua igoera, Gorla igoera, San Cosme igoera, Dima igoera, Jaizkibelgo igoera eta Urrakiko igoera.
Aipatu moduan, martxoaren 23an, Aiatik Andatzara igoerak emango dio irteteko pistola tiroa txapelketari. Proban 51 gidari –bi herritarrak barne– izango dira lehian eta aurreko urteen antzera, lasarteoriatarrak gainditu beharreko aurkaria Joseba Iraola izango da.