Herriko gimnastek ez dute atsedenik izango eta hilaren 17an, Lasarte-Oriako Kirol elkarteko (LOKE) kideek amateur txapelketako bigarren faseari egingo diote aurre.
Eskolarteko benjamin mailako bigarren eta azken topaketa jokatu zen hilaren 9an, Hernaniko kiroldegian. 28 taldek eta bederatzi bakarkako gimnastek euren lanak erakutsi zituzten tapizean. Lasarte-Oriatik Landaberri 1 eta 2 taldeek parte hartu zuten eta Mirian Prieto entrenatzailearekin landutako koreografiak trebetasunez egin zituzten. amaitzean guztiek diploma bat jaso zuten.