Hiru taldeen artean 60 haur eta gazte inguru elkartu ziren eta goiz paregabea igaro zuten denon artean saio bateratu eta dibertigarri batean. Adinaren arabera multzoetan banatu ostean, ur kanpoan ezagutze ariketak eta beroketak egin zituzten. Jarraian uretara jauzi egin eta estiloak landu zituzten. Saioa amaitzeko denak elkarrekin nahastuta lau talde osatu eta errelebu proba bat egin zuten.
Hilaren 9an, Gipuzkoako txapelketarako gutxienekorik ez zuten infantil, junior eta senior igerilariek Gipuzkoako Neguko Sariari egingo diote aurre, Andoaingo Allurralde igerilekuan.