Zabaletako auzotar kuadrilla eder bat Txuri Urdinera joan da patinatzera

Txintxarri Aldizkaria 2024ko mar. 4a, 09:00
Haur nahiz heldu, 50 lagun joan ziren Txuri Urdinera. Argazkia: Zabaleta Auzolan.

Zabaleta Auzolan elkarteak plan polita aurrera eraman zuen iragan larunbatean, eguraldi goibelari aurre egiteko: Txuri Urdin izotz jauregiko pistan patinatzen primeran pasa zuten goizean eta xahututako indarrak berritu zituzten gero herrian, babarrun jan ederra eginda. 50 pertsona inguru animatu ziren martxoko lehen larunbata primerako giroan igarotzera.

Zabaleta Auzolan elkarteak batzar orokorra egin zuen bezperan. Aste Santuko oporraldiaren aurretik 23. Korrikan parte hartuko dutela iragarri dute. Hilaren 19an iritsiko da euskararen aldeko ekimen hori gurera, 22:00ak aldera, Urnietatik.