Gazteak neurketa borrokatuan 16-18 garaitu zuten Oiartzun. Maila bereko Mundarro-Intza partidan, aldiz, astigartarrak izan ziren nagusi 18-8.
Infantilen 3. mailan neurketa zirraragarria izan zen Soralucen. Unai Lizarraga eta Arkaitz Lasa ederki borrokatu ziren eta 17-17 berdinketarekin, azken tantoa etxekoen aldekoa izan zen.
Eta alebin mailan, Tolosako bikoteak Iker Garcia eta Lier Garmendia gainditu zituen neurketa hasieratik. Azken emaitza 26-3 izan zen.
Trinketean ere ez zuen zorterik izan Aritz Solanok. Neurketa ona egin arren, Intzako kideak Hernaniko Manterolaren aurka 33-40 galdu zuen. Solano neurketa osoan aurretik zen, baina,azken tantoetan eskuetako batean min hartu eta hernaniarra gailendu zen.