Esan bezala, berritasun nagusietako bat argiteria aldatu eta LED teknologia erabiltzearena da. "Hasieran eman dezake argi gutxiago dagoela eremu horietan, baina kontua ez da hori, baizik eta oinezkoen bidea argiztatuko dutela eta ez inguruko eraikinak. Argi kutsadura murriztearekin batera efizientzia energetiko handiagoa lortuko dugu", azaldu du Mateosek.
Argiteria horiek Scada izeneko programarekin kudeatuko dituzte, bi antenaren bitartez. Argien intentsitatea erregulatzeaz gain uneoro jakin ahalko dute sistema ongi funtzionatzen ari ote den ala ez.
Bigarren fasea lantzen
Alkateak jakinarazi du puntu beltzak ezabatzearen bigarren fasea lantzen ari direla honezkero, udaleko Gizarte Zerbitzuetako Berdintasun sailarekin batera. Aurrekontua 500.000 eurokoa izango da. Hirugarren eta azken fasea, ondo bidean, 2025ean gauzatuko dute.
Lanen egoera
| Brunet-Enea | Arketaren bat konpontzea falta da eta luminariak nahiz zutabe berriak muntatzen amaitzen. |
| Zumaburu parkea | Lanak bukatzen ari dira. |
| Askatasunaren parkea | Inauterien ostean zutabeak eta beheko luminariak aldatzen hasi dira. |
| Somoto parkea | Laranjondoen patioan proiektoreak instalatzeko zain daude, gainerako lanak egin dituzte jada. |
| Geltoki kalea | Laster bukatuko dute luminariak instalatzen. |
| Plazaola (Loiditik) | Obra zibilarekin amaitzen ari dira. Argiztapena jarri dute zubian zehar. |
| Pinutegi eta Gaztainzulo kaleak | Hiru farola jartzea falta da. |
| Uistin kalea | Eskuineko aldean luminariak instalatzeko lanak hasteko zain. |