Alex Saletak Espainiako selekzioarekin egin du debuta

Txintxarri Aldizkaria 2024ko ots. 12a, 13:45
Alex Saleta, neurketa ostean Beltzak RTko banderarekin. Arg.: Beltzak RT.

Debuta eta garaipena. Poztasun bikoitza du Alex Saleta herritarrak. Lehengo astean errugby XVeko selekzioarekin entrenatu ostean, Europako Nazioen Kopako partidako deialdian sartu zen herritarra

Atzo goizean jokatu zuen selekzioak Alemaniaren aurkako partida Madrilen eta 63. minutuan atera zen Saleta zelaira. Lehen minutuetan alemaniarrek entsegu batekin izua sartu zieten arren, neurketari itzulia eman eta nagusi izan ziren. Defentsa lan ederra egin zuten bigarren zatian eta horri esker 27-5 gailendu ziren. 

Ez da hau Lasarte-Oriako ordezkaririk izan duen nazioarteko norgehiagoka bakarra izan. Txapelketa bereko Errumania-Belgika partidan Jon Ibisate herritarra marrazain lanetan izan da. Gazteak Iñigo Atorrasagasti epaile nagusia lagundu du Bucarest, Errumanian jokatu den neurketan.