Ondo hasi zen norgehiagoka bi taldeek indartsu ekin zioten erasoari eta saskiratzeak txandakatuz hamalauna berdindu zuten partziala.
Neurketa berdindua zirudien arren, hondarribiarrek erritmoa aldatu eta neurketa hautsi zuten. Etxeko taldearen areara erraz iristen ziren eta Andoni Alduncinen taldeak ezin izan zuen aurkariaren erauntsia geratu. Ondorioz, jaurtiketa pertsonalei zein hiruko saskiratzeei esker alde ireki zuen Carnicas San Marcial Hondarribiak, atsedenaldira 17-32 iritsiz.
Gainerako bi laurdenetan jokoak berdin jarraitu zuen. Etxekoak euren onena emanaz aurre egiten saiatu arren, azken emaitza 36-67 izan zen.
Erronka gogor eta aberasgarria du aurrean talde urdin-beltzak. Zilar mailako zein urre mailako bost talderi aurre egin beharko die fase berrian eta lehen biek egingo dute aurrera. Euren onena ematen saiatuko dira junior mailako jokalariak.