Emakumearen Zentroko ikastaroetan izena emateko epea ireki dute

Txintxarri Aldizkaria 2024ko ots. 5a, 08:00

Lasarte-Oriako Udalak jakinarazi du ohiko ikastaro eta Jabetze Eskolaren barruko saio ugari prestatu dituela datozen lau hilabeteetarako, doakoak batzuk eta ordainpekoak besteak, "prezio oso onean" daudenak. Horietan izena emateko epea gaur ireki du eta 15era arte luzatuko. Tramite hori aurrez aurre egin nahi dutenek Emakumearen Zentrora (Donostia etorbidea, 6) joan beharko dute, astegunetan, 09:30etik 13:00etara edota 15:30etik 19:30era. Beste aukera bat sarean inskribatzea da, udalaren webgunean. Toki baino eskaera gehiago jasotzekotan, hilaren 16an egingo duten zozketa baten bidez erabakiko dute nortzuk parte hartuko duten jarduera bakoitzean.

Jabetze Eskola iaz jarri zuen martxan udalak eta bertako Berdintasun teknikari Maite Iglesiasen hitzetan, "gero eta emakume gehiagok" parte hartzen dute. Ekimen horren "ardatz nagusia" herritarren ahalduntzea sustatzea da, ikuspegi feminista kontuan izanda.

Behin izen ematea itxita, hilaren 26an hasi eta ekainaren 21ean bukatuko dira ikastaro guztiak.

Otsailetik ekainera arteko eskaintza

OHIKO IKASTAROAK		JABETZE ESKOLA
Ikastaroa	Prezioa	Ikastaroa	Prezioa
Gorputza entzuten eta sentitzen ikasiz	Doan	Eskola feminista	Doan
Jantzi konponketa eta patroiak	Doan	Emakume migratuen topagunea	Doan
Bitxien tailerra	Doan	Zugandik. Sormen artistiko eta terapeutikoko tailerra	Doan
Zaindu zure gorputza	Doan	Indarkeria gabeko guneak	Doan
Kantua	Doan	Empoder-arte	Doan
Batuka	Doan	Dantza organikoa	Doan
Yoga	38,25 euro	Biodantza	38,25 euro
Hipopresiboak	44,55 euro	Antzerkia	51 euro
Eskulanak	51 euro

Gizartea