Izena emateko epea hilaren 31ra arte zabalik dagoela gogorarazi du Lasarte-Oriako Udaleko Euskara batzordeburu Jon Antxordokik. Bi baldintza besterik ez dituzte bete behar partaideek: euskaraz komunikatzeko gutxieneko maila edukitzea eta astean behin ordubetez talde batean aritzeko konpromisoa hartzea. Interesa dutenek kultura@ttakun.eus helbide elektronikora idatzi, 695 78 53 89 telefono zenbakira deitu edo galdetegi bat bete behar dute.
Solaskide egitasmoko partaideek bi rol izan ditzakete: batetik, Bidelariak, euskara praktikatu nahi duten pertsonak; eta, bestetik, Bidelagunak, euskaraz aritzeko urratsak egiten ari direnei laguntzen dietenak. Lasarte-Orian ekimen horri aurrera eramaten dute Lasarte-Oriako Udaleko Euskara Zerbitzuak, Ttakun Kultur Elkarteak eta Muntteri AEK nahiz udal euskaltegiek.