Solaskide egitasmoan izena emateko epea hilaren 31ra arte zabalik dagoela gogorarazi dute Lasarte-Oriako Udaleko Euskara Zerbitzuak, Ttakun Kultur Elkarteak eta Udal Euskaltegia nahiz Muntteri AEK euskaltegiek. Bi baldintza besterik ez dituzte bete behar partaideek: euskaraz komunikatzeko gutxieneko maila edukitzea eta astean behin ordubetez talde batean aritzeko konpromisoa hartzea. Interesa dutenek kultura@ttakun.eus helbide elektronikora idatz dezakete, 695 78 53 89 telefono zenbakira deitu edo galdetegi bat bete.
Antolatzaileek azpimarratu dute, batez ere, Bidelagunen premia dutela, hau da, Bidelariei euskaraz pausuak ematen lagunduko dieten pertsonenak.