Lehen egunean, LOKEko Ibon Palomo eta taldearekin entrenatzen den Aitor De la Torre durangarrak gerriko beltzeko azterketa gainditu zuten, Donostian eta Urnietan Gabonetako infantil mailako txapelketan hainbat domina jantzi zituzten taldeko kideek.
Hurrengo egunean, aldiz, taldeko txikiek euren senideei judoa zer den irakatsi ahal izan zieten familiekin egin zen topaketan. Oiartzun, Hernani, Zarautz eta Lasarte-Oriako kirol elkarteetako kideak zein Egape eta Amassorrain ikastoletako txikiak bildu ziren Hernaniko kiroldegian; lurreko, zutikako edo judo alternatiboko ariketa ezberdinak egin zituzten.
