Maialen Chourraut kiroldegian, CV Gallartaren Ahotsaren aurka neurtu zituzten indarrak I. mailako kideek eta denboraldiko hirugarren garaipena eskuratu zuten, 3-0 (25-15,15-18 eta 25-17).
II. mailako taldeak, aldiz, Getxora egin zuen bidaia eta aurkako emaitzarekin itzuli zen etxera. Neurketa borrokatuaren ostean, Getxoko Aixerrotak 3-1 (25-22, 18-25, 25-23 eta 25-19) garaitu zituen.
Gipuzkoako txapelketa
Gipuzkoako mailari dagokionez, kadete taldeak bakarrik izan zuten jardunaldia.
Zarautzen jokatu ziren urdin-beltzak eta Salbatore Mitxelena 1-3 (21-25,25-11,17-25 eta 23-25) garaitu zuten.
Lehen fasea amaituta, urtarrilean senior, junior, kadete eta infantil mailako kideek Gipuzkoako txapelketari egingo diote aurre.