Sant Boi de Llobregatera (Herrialde Katalanak) bidaiatu zuten Sanchez eta Zabala herritarrek 16 urtez azpiko Kataluniako taldearen aurka jokatzeko. Lehena hamabostekoan izan zen; bigarrena, berriz, 41. minutuan sartu zen zelaira kide batek min hartu zuelako.
Hasieratik kataluniarrak nagusi izan ziren. Euskadiko gazteek erasoei eusten saiatu arren, ezin izan zuten ezer egin eta etxeko taldea 50-3 gailendu zen.