Jon Martin herritarra 17 urtez azpiko Munduko txapelketa jokatzen ari da

Txintxarri Aldizkaria 2023ko aza. 17a, 13:30
Jon Martin, Realarekin jokoan. Arg.: Real Sociedad

Jon Martin herritarra eta 17 urtez azpiko Espainiako futbol selekzioa Munduko txapelketako final zortzirenak jokatuko dituzte

17 urtez azpiko Munduko txapelketa dago jokoan Indonesian. Espainiako selekzioak B multzoan lehiatu du lehen fasea; bi neurketa gainditu ditu –2-0 Kanadaren aurka eta 0-1 garaitu zuen Mali– eta bina berdindu du Uzbekistanen aurka. Real Sociedad taldeko Jon Martin herritarrak Kanada eta Uzbekistanen aurkako neurketetan parte hartu du; azken horretan, kapitan lanak egin ditu, gainera.

Emaitza horiekin B multzoko lehen sailkatu da 17 urtez azpiko taldea eta final zortzirenak jokatuko ditu hilaren 20an, astelehenarekin. Aurkariaren zain daude Jon Martin eta selekzioko kideak. A, B eta C taldeen 3. talde onenaren aurka lehiatuko behar dute kanporaketa eta gaur, ostirala C multzoko azken jardunaldiaren ostean jakingo dute zein talde izango duten aurrean.