Egitaraua
-
10:15etik 13:00etara, Okendon, herrikoak diren artisau eta ekoizleen produktuen azoka aurrera eramango dute. Euskararen erabilera bermatuta egongo dela azpimarratu dute antolatzaileek.
- 10:15ean, Okendotik abiatuta, herriko txistulariek diana egingo dute.
-
12:00etan, Okendon, Plaza Dantza egitasmoko lagunek muxiko eta euskal dantzen saioa egingo dute.
-
13:00etan, Okendotik irtenda, Ttirriki Ttarrakako trikitilariek kalejira egingo dute.
-
14:00etan, Okendon, herri bazkaria, 80-90 pertsonentzat. Antolakuntzak mahai, aulki eta edariak jarriko ditu, eta, jatekoa, norberaren kontu.
-
16:00etatik aurrera, Okendon, jantzi tradizionalen desfilea.
-
17:30ean, Jalgi kafe antzokian, bakarrizketa bat egingo du Bea Egizabal umoristak, Solaskide euskaraz hitz egiteko egitasmoa ardatz hartuta.
-
18:30etatik aurrera, Jalgitik abiatuta, pintxo potea izango dute herritarrek, euskal giro ederrarekin. Oaintxe in deu! txarangako lagunek animatuko dute ekitaldia.