Argazki galeriako irudiak: Lasarte-Oria Trail Mendi Elkartea.
Lasarte-Oria Trail Mendi Elkarteko (LOTME) hamaika kide Pirinioetako Tena bailarara, Huescara bidaitu ziren hilaren 21ean eta 22an. Helmuga Garmo Negroko tontorra, 3.051 m. Horretarako Baños de Panticosatik igo ziren mendizaleak. Goiz esnatzeagatik, bidean egusenti ederraz gozatu eta zenbat eta gorago, orduan eta elur gehiago. Horrek ez zien eragotzi tontorrera iristea. Atseden hartu eta jaitsiera arazorik gabe egin zuten. Irteera horretan paisaiak txundituta geratu zirela nabarmendu dute mendi elkarteko kideek.