Bea Egizabal clown lasarteoriatarrak bakarrizketa saioa egin zuen Virgen de Guadalupe Extremadura Etxean, hilaren 25ean. Ikusmina sortu zuen herritarren artean, lepo bete baitzen aretoa. Ikus-entzuleek barre ederrak egin zituzten umoristaren ateraldiekin eta baita hausnartzeko hainbat gako jaso ere, sistema heteropatriarkalarekin eta feminismoarekin zerikusia dutenak, nagusiki. Ikuskizunaren aurretik luntxa egin zuten bertaratutakoek.