Iñaki Petxarroman saritu du Kazetarien Elkargoak
Ingurumen Kazetaritza Saria eman dio Arabako, Gipuzkoako eta Bizkaiko Kazetarien Elkargoak Iñaki Petxarroman herritarrari. Berria egunkarian dihardu kazetari gisa, gai horrekin lotura duten artikuluak idatzi eta argitaratzen. Hedabide horri egindako adierazpenetan, "urte askoko lanaren aitortza" dela esan du eta aintzatespena, indibiduala bainoago, kolektiboa dela, berripaper horrek "ingurumen gaiei garrantzia eman dielako hasiera-hasieratik".