Ikasturte berrirako kultur ikastaroen eskaintza zabala egin du Lasarte-Oriako Udalak. Helduei (18 urtetik gorakoak) zuzenduta daude guztiak, eta horietan parte hartu nahi dutenek, hilaren 9tik 19ra arteko tartea izango dute izen ematea egiteko. Horretarako, bi aukera izango dute. Aurrez aurre egin nahi duenak, Manuel Lekuonara joan beharko du, astelehenetik ostiralera, 10:00etatik 13:00etara. Inskripzioa sarean egin nahi dutenek, berriz, honako helbidean egin dezakete: www.lasarte-oria.eus. Hau da 2023-2024rako eskaintza: Argazkigintza hastapena; Estresa murrizteko teknikak; Sabel dantza; Barre metodoa; Meditazioa; Sendabelarrak; Dantza latinoak; Ilaran dantza tailerra; Aretoko dantzak; Joskintza eta patroigintza; Narratiba laburreko idazketa tailerra; eta, Irakurketa kluba. Guztiak euskaraz eta gaztelaniaz izango dira, azken hori izan ezik; gaztelania hutsean aurrera eramango dute. Ikastaro bakoitza zein astegunetan izango den eta zein prezio izango duen jakiteko www.txintxarri.eus ataria kontsulta dezakezue.
Hilaren 24an hasiko dira lehen ikastaroak, eta hortik aurrera beste guztiak. Ikasturte osoko iraupena izango dute guztiek, ekainera bitartekoa.
Ikastaroek aurrera egin dezaten gutxieneko parte hartzaile kopuru batek eman beharko du izena. Tokiak mugatuak dira, hortaz, horiek baino izen emate gehiago batzen dituen ikastaroen kasuan, zozka bidez erabakiko dira parte hartzaileak. Udal ordezkariek azpimarratu dute kasu horretan preferentzia izango dutela ikastaro bakarrean izena eman dutenek.
Honako hauek dira 2023-2024ko kultur ikastaroak:
| Ikastaroa | Eguna | Ordutegia | Prezioa (erroldatuak) | Prezioa (erroldatu gabeak) | Hasiera eta amaiera datak |
| Argazkigintza hastapena | Osteguna | 18:30-20:30 | 167 euro | 278 euro | 10/26 - 06/13 |
| Estresa murrizteko teknikak | Asteartea | 15:00 -16:30 | 125 euro | 208 euro | 10/24 - 06/11 |
| Sabel dantza | Osteguna | 19:45 - 21:15 | 88 euro | 146 euro | 10/26 - 06/13 |
| Barre metodoa | Ostirala | 17:00 - 18:30 | 121 euro | 201,5 euro | 10/24 - 06/14 |
| Meditazioa | Asteazkena | 19:15 - 20:45 | 85 euro | 141 euro | 10/25 - 06/12 |
| Sendabelarrak | Osteguna | 17:00 - 19:00 | 168 euro | 281 euro | 10/26 - 06/13 |
| Dantza Latinoak | Asteartea | 19:00 - 20:30 | 68 euro | 114 euro | 10/24 - 06/11 |
| Narratiba laburreko idazketa tailerra | Asteartea | 19:00 - 20:30 | 94 euro | 156 euro | 10/24 - 06/11 |
| Ilara dantza | Osteguna | 18:15 - 19:45 | 64 euro | 106 euro | 10/26 - 06/13 |
| Aretoko dantzak | Ostirala | 11:00 - 12:30 | 66 euro | 110 euro | 10/26 - 06/14 |
| Joskintza eta patroigintza | Asteazkena | 10:00 - 12:00 | 95,07 euro | 158, 45 euro | 10/17 - 06/12 |
| Joskintza eta patroigintza tailerra | Asteartea | 10:00 - 12:00 | 167 euro | 278 euro | 10/24 - 06/11 |
| Joskintza eta patroigintza tailerra | Asteazkena | 10:00 - 12:00 | 167 euro | 278 euro | 10/25 - 06/12 |
| Irakurketa kluba 5+1 (gaztelaniaz) | Astelehena | 10:00 - 14:00 | 64,5 euro | 107,5 euro | 10/30 - 06/12 |