Urteak daramatzate herritarrek rally horretako ibilgailu historikoak ikusten herrian, eta aurtengoa ez da salbuespena izango, kontuan izanda Lasarteko Zirkuituak 100 urte bete dituela. Esan bezala, larunbat arratsaldean Bugati, Aston Martin, Porsche eta beste marka klasiko batzuetako autoak ikusteko parada izango dute herriko zenbait eremutan barrena.
Egitasmoaren berri eman dute antolakuntza taldeko Agustin Garcia eta Jose Luis Velez Colis-ek, Michelingo harreman publikoetako zuzendari Maria Zabaletak eta Lasarte-Oriako Udaleko Kirolak saileko buru Goizalde Pildainek.