Toki eta ordu berean, bihartik ostegunera arte, sukaldari hauek ariko dira lanean: Javi Mendo (Lavie Gastrobar), Sergio Humada (Txitxardin) eta Yon Mikel Rodriguez (Avenida taberna-jatetxea).
Igandean, bazkidearen eguna
Aste gastronomikoa ez da aste honetako ekimen bakarra izango, igandea Lasartearrako bazkideen egun handia izango baita. Hau da prestatu duten egitaraua:
- 11:00etan, hil egin diren bazkideen omenezko meza, Arantzazuko Ama parrokian. Erketz EDTko kideek parte hartuko dute.
- 11:30ean, haurrentzako puzgarriak jarriko dituzte Zumaburu plazan (lasarteoriatar guztiei zuzendutako ekimena da). Eguraldi txarra egiten badu, Loidibarren pilotalekuan ariko dira.
- 11:45ean, elizkizuna bukatu eta gero, bazkideak poteoan ibiliko dira erdiguneko zenbait tabernatan (Ilargi, Avenida, Arkupe eta Genesis), Bentazaharreko Mutiko Alaiak taldearekin batera.
- 12:00etan, emanaldia egingo du Erketz EDT dantza taldeak, Zumaburu plazan. Eguraldi txarra egiten badu, Loidibarren pilotalekuan ariko dira.
- 15:00etan, bazkideak bazkaltzeko elkartuko dira Lasartearraren egoitzan (Erribera kalea, 10). 50 urte bazkide izaten daramatenak omenduko dituzte eta baita Lourdes Sarabia (elkartearen sorreran paperak egiten lagundu zuen) eta Valentina Gainza (elkartearen armarria eskuz brodatu zuen) ere.