Viura hotela sari nagusian behorrek eta jockeyek euren onena eman zuten eta guztien artean, Lovely Diamond eta Alejandro Gutierrez Val nabarmendu ziren. Hasieratik bere nagusitasuna erakutsi zuen bikoak eta garaipena erraz erdietsi zuten.
Arratsalderi hasiera emateko El Molino del Lobo saria jokatu zen eta Isaba izan zen garaile. Ricardo Sousak gidatuta berak baino esperientzia gehiago duten behorrak aurreratu zituen azken zuzengunean eta helmugara lehen iritsi zen.
Jarraian, European Breeder‘s Fund Saria jokatu zen. Souvenir d’ Ecajeul nagusi izan zen Fabrice Veron gainean zuela. Kriteriumerako hautagai izan daitekeela erakutsi zuen.
Digitalak Sarian jardunaldiko ezustekoa izan zen; aurreikuspen guztien gainetik, Marchelo-Carlos Andres Loaiza bikoak eraman zuen garaikurra.
Laugarren proban, Garda Seguridad Saria zegoen jokoan eta Nyalak eta Nicolas de Julianek eskuratu zuten arazorik gabe.
Hurrengo hitzorduan egun eta ordu aldaketa izango da Hipodromoan; hilaren 22an, larunbatean lehiatuko da, 11:20ean hasita.