Patata tortilla, hestebete iberikoak, gildak, errusiar entsalada, postre gozoak...eta, batez, ere, giro ona. Arrieskalleta elkarteko bazkide eta zuzendaritzako kideak Kale Nagusiko egoitzan elkartu ziren atzo eguerdian, 16. urteurrena gogotik ospatzeko. Bertan egon zirenek nabarmendu dute oso gustura aritu zirela, eta ospakizuna girotzeko musika jarri zutela. 40-50 bat pertsona bertaratu ziren.
Gaur-gaurkoz, Jennifer Sanchez da elkartearen lehendakaria, eta lehendakariordea, Jon Antxordoki. Taldea pertsona hauek osatzen dute: Maite Manso (idazkaria); Gorka Mendizabal (diruzaina); eta Xabier Rekondo, Eider Amonarriz, Aitor Yaben eta Yosu Galdos (sotolariak).