Maiatzaren 12n, Zegama Aizkorri kilometro bertikalean parte hartu zuten Iñigo (56.11) eta Enaitz (01.00.01) Ibarburu anaiek.
Bi egun geroago lehiatu zen proba nagusian, aldiz, Lasarte-Oria Trail Mendi Elkarteko (LOTME) Xabier Mujikak eguraldiari aurre eginez 04.50.40 marka egin zuen helmugan.
Hilaren 13an, Altsasuko XIV. Hiru Mendi Zerrak Ibilaldian LOTMEko hainbat kide izan ziren. 46 kilometro eta 2700+ metroko proba amaitu zuten Santi Tranche, Marc Bages eta Erik Martinena; ibilbide motzean (26km 1200+) Joseba Iparragirre eta Julio izan ziren.
Maiatzaren 20an, bi probatan izan ziren herriko ordezkariak.
Orioko III. Talai-Mendi Trail-en, Iñaki Urchueguia (01.37.43) eta Unai Iribar (01.42.19) herritarrak zein Alberto Roman (01.19.58) eta Xabier Aizpurua (01.21.43) LOTMEko kideek 14 kilometro eta 1.200 metroko desnibela duen ibilbideari egin zioten aurre.
Villabonan ere II. Triku Harri lasterketako proba ertainean (20 km) eta luzean (30 km) lasarteoriatarrak izan ziren lehian. 20 kilometrokoan David Garcia (01.55.45) eta Julen Ormazabal (02.12.47); Ivan Granadok (02.56.40), Iurgi Los Arcosek (03.33.08) eta Aitor Elizagaratek (04.42.08) 30 kilometroko bidea egin zuten helmugaraino.