Lasarte-Oriako Udalak antolatutako auzoz auzoko jarduerak Oriara iritsi dira larunbat goizean. Aurreko asteburuetan Sasoeta eta Zabaleta izan dira gune, oraingoan, berriz, Brunet parkean elkartu dira ipuin kontalaria eta henna tatuaje tailerra. Eguraldia ez da aproposena izan, eta agian horrexegatik hamar bat haur bertaratu dira. Batetik bestera ibili dira, hennarekin egindako marrazkia nahi zutenek, egin ondoren, adi-adi entzun dituzte kontakizunak. Bost ipuin kontatzeko asmoa bazuen ere, ordubeteko saioan laurako denbora eman dio kontalariari.
Ekaineko lehen larunbatera arte izango dute haurrek auzoz auzoko jardueretan parte hartzeko aukera:
- Hilaren 27an (larunbata), 11:00etatik 13:30era: mandala tailerra, Atsobakar auzoan.
- Hilaren 27an (larunbata), 12:00etatik 13:30era: ipuin kontalaria, Zumaburu auzoan.
- Ekainaren 3an (larunbata), 11:00etatik 13:30era: baratza tailerra, Zumaburu auzoan.
- Ekainaren 3an (larunbata), 12:00etatik 13:00etara: ipuin kontalaria, Atsobakar auzoan.