Uztailean Maialen Chourraut kiroldegiko jarduerak ez du etenik izango. Udal Kirol Zerbitzuak adin guztietarako ikastaroak eskainiko ditu.
Helduek total training, bodyzumba, kardiofit edo igerian egiten hasteko saioak izango dituzte aukeran.
Gazteen eskaintza bi jardueraz osatuko da: padela eta total training.
Haurrek, berriz, kirol udalekuez eta igeriketa saioez gozatu ahalko dute.
Talde horietako batean parte hartu nahi duten herritarrek kiroldegiko bulegora hurbildu behar dute honako ordutegian: goizez astelehenetik ostiralera, 9:00etatik 13:00etara eta arratsaldez, asteazkenetan, 17:00etatik 19:00etara. Kirol zerbitzuek jakinarazi dutenez, arrazoi teknikoak direla medio, ezin dira inskripzioak internet bidez egin.