Horren adibide, Iñaki Arruti herritarrak eta Eider Gurrutxagak aurkeztu duten diagnostiko tresna, udalerri bakoitzeko eskola orduz kanpoko jardueretan euskararen ezagutza eta erabileraren argazkia egingo duena. Udazkenerako prest izan nahi dute.
Ikerketa liburua
Titular asko uzten ari da aurtengo Udaltop. Horietako bat da irekiera ekitaldian Lasarte-Oriako Udaleko Euskara batzordeburu Jon Antxordokik bota duena: departamentu horrek liburu bat ondu du Miren Artetxe ikerlariarekin batera: Euskara eta gazteak, 30 urte eta gero zer?. Gako ugari jaso dituzte lan horretan, adibidez, hau: "Gaur egun, euskara ikastea agindu gisa hartzen dute gazteek. Aldatu egin behar dugu hori; aisialdian dago gakoa", nabarmendu du Antxordokik.
Esan bezala, alor praktikoan jarri dute fokua aurten, eta horren beste adibide bat da tokian tokiko haur eta gazteen kirol sistemetan euskararen erabilera areagotzeko eredu sistematizatuak pilotatzeko proiektua. Eusko Jaurlaritzako Hizkuntza Politika Sailburuordetzako Euskara Sustatzeko zuzendari Estitxu Alkorta aritu da horri buruz, Amorebieta-Etxano udaleko teknikari Rafa Ugalde eta KEES Metodologiako kide Aritz Olagoirekin batera.
Bihar egingo dute bigarren jardunaldia, eguerdiera arte. Egitaraua hemen kontsulta dezakezue.