Taldekideak "pozarren" daude lortutako emaitzarekin eta azken hilabeteetan egindako prestaketa lanagatik. Era berean, eskerrak eman dizkiete Erketz EDT taldeko dantzariei, azken hilabetean emandako laguntzagatik. Errepertorioko lehen abestian dantzatu dute, Montserrat-eko Libre Vermelle-ko Stella Splendens izenekoan. Pieza horren bidez Erdi Aroko giroan murgildu dituzte ikus-entzuleak.
Ostean, XIV. eta XVI. mendeen arteko doinuak eskaini dituzte: Aita Donostiaren Virgo Dei Genitri; T. Tallis-en If ye love me; B. Carceres-en Sus, sus, sus (La Trulla); Bob Chilcott-ek moldatutako Juan de Anchietaren Con amores la mi madre; eta Juan del Encinaren Mas vale trocar zein Oy comamos y bebamos.
Salix Cantor kamera abesbatzak irabazi du epaileen sari nagusia; zuzendari onenarena, La Asuncion taldeko Beatriz Agirrek; eta ikus-entzuleena, Iruñeko abesbatza horrek.
Arnotegi lehiaketa atzean utzita, lanean jarraitzen du Albokak, esku artean dituen gainerako emanaldiak prestatzen. Ekainaren 24an aurrera eramango du horietako bat, ikasturte amaierako kontzertua hain zuzen.San Pedro Jaien aurrekarietako bat izango da.
