Lasarte-Oriako Udalarekin elkarlanean antolatu du ekimena Lasartearrak.
Lasartearra elkarteak 50 urte betetzen ditu aurten, eta, ospatzeko, zenbait jarduera aurrera eramango ditu datozen asteetan. Horietako bat izango da maiatzaren 12ko bertso afaria: Ane Labaka eta Lierni Rekondo bertsolariak gonbidatuko dituzte. Erribera kaleko 10. zenbakiko egoitzan egingo dute jarduera, 20:30ean hasita. Antolatzaileek jakinarazi dute zabalik dagoela izen ematea, 18 euroren truke. Partaideek ekitaldiaren egunean bertan ordaindu beharko dute.